İsrail işğal etdiyi Colan təpələrində Trampın adına yeni yaşayış məntəqəsi salacaq
Müəllif: admin1
Tarix: 17-06-2019, 10:25
Bölmə: Xəbərlər
İsrail işğal etdiyi Colan təpələrində Trampın adına yeni yaşayış məntəqəsi salacaq
Sionist İsrail rejimi işğal etdiyi Colan təpələrində yaşayış məntəqəsinin tikiləcəyini təsdiq edib və ona Amerika lideri Donald Trampın şərəfinə "Ramat-Tramp" ("Tramp yüksəkliyi") adını verib.

Maide.Az xəbər verir ki, "Haaretz" nəşrinin yazdığına görə, işğalçı rejim bu addımı Amerika liderinin Colan təpələrini İsrailin ərazisi kimi tanımasına təşəkkür əlaməti olaraq atıb.

"Biz uzun illərdən sonra yeni yaşayış məntəqəsi inşa etməyə və onu prezident Donald Trampın şərəfinə adlandırmağa hazırlaşırıq", - deyə sionist rejimin naziri Binyamin Netanyahu bildirib.

ABŞ prezidenti Donald Tramp öz növbəsində İsrailə və ölkənin baş naziri Binyamin Netanyahuya minnətdarlığını bildirib.

Qeyd edək ki, 2017-ci ildə işğalçı İsrail rejimin baş naziri Binyamin Netanyahu ABŞ prezidenti Donald Trampdan istəmişdi ki, Suriya ərazisində yerləşən Colan təpələrini işğalçı İsrailin bir parçası kimi rəsmiyyətə tanısın.

Sionist İsrail rejimi 1981-ci ildə Suriya ərazisində yerləşən Colan təpələrini işğal etdi və Fələstinin işğal olunmuş ərazilərinə birləşdirdi. Lakin beynəlxalq ictimaiyyət o cümlədən Amerika bu addımı rəsmiyyətə tanımırdı. Lakin ötən il ABŞ prezidenti D.Tramp B.Netanyahununun itəyini qəbul edərək Colan təpələrini İsrailin ərazisi kimi rəsmiyyətə tanıdı.

Sionist İsrail rejimi işğal etdiyi Colan təpələrində qəsəbələr salıb və bu bölgədən Suriya hökumətinə qarşı hərbi əməliyyatlar və Suriyadakı terrorçulara dəstək üçün istifadə edir.

BMT Təhlükəsizlik Şurası Suriya ərazisində yerləşən Colan təpələrinə dair işğalçı İsrail rejiminin malikiyyət iddiasını qəbul etməyib. BMT TŞ-nin üzvləri bildiriblər ki, İsrailin Colan təpələrini zorla ələ keçirməsi səhv addımdır və beynəlxalq qanunlara ziddir. Bu təpələr Suriyaya məxsus ərazilərdir.


Oxşar xəbərlər
«    Oktyabr 2021    »
BeÇaÇCaCŞB
 123
45678910
11121314151617
18192021222324
25262728293031