“Heç kim bizim nüvə enerjisi mövzusunda mövqeyimizi dəyişdirə bilməz”
İslamazeri.az-ın İran mediasına istinadən verdiyi xəbərə görə, İran İslam Respublikasının prezidenti Həsən Ruhani nüvə enerjisi mövzusunda geri addım atmayacaqlarını vurğulayıb.

Nüvə enerjisinə həsr olunmuş tədbirdə çıxış edən Həsən Ruhani, “Biz elmi fəaliyyətlərimizi davam etdirməkdən əlavə, hüquqi addımlar da atmağı planlaşdırırıq. Heç kim bizim nüvə enerjisi mövzusunda mövqeyimizi dəyişdirə bilməz. Ayrı-seçkilik edənlərə boyun əyməyəcəyik.”- deyib.

Məlumat üçün onu da qeyd edək ki, Həsən Ruhaninin iştirak etdiyi tədbirdə nüvə enerjisindən əldə olunmuş tibbi preparatların təqdimatı olub.