Məsumluğun fəlsəfəsi nədir?

Mьəllif: admin1

Tarix: 30-11-2022, 16:48

İlahi peyğəmbərlərin (ə) hamısı məsum olduqları üçün, hər cür şirk və küfrdən pak idilər. Bəs ismətin, məsumluğun fəlsəfəsi nədir?

Məsumluq – elə bir nəfsani sifət və batini mələkədir ki, məsum insanı hər cür xatadan və büdrəmədən qoruyur. İsmətin amili isə kamil imana malik olmaqdır.

O kəs ki, Allahı və məadı tanımaqda ali məqama çatmışdır, batini gözü ilə Allahı müşahidə edə bilir. O, günahdan uzaqdır, öz iradəsi ilə Allaha itaət edir və nəfsani istəklərini kontrol etməyi bacarır, heç bir zaman bəndəlik cızığından kənara çıxmır.

Bundan əlavə, belə bir bəsirətə malik olan insanın batini qüvvəsi güclü olar. İlahi qanunları vəhy yolu ilə əldə edər. Onları qeybi xəzinə hesab edər. Belə bir insan günahdan uzaq olar.

Allah Təala Qurani-Kərimdə buyurur: “(Allah) qeybi biləndir və Öz qeybinin sirlərindən heç kimi agah etməz. Yalnız seçdiyi rəsuldan (peyğəmbərlərə göndərilən mələkdən və insanlara göndərilən peyğəmbərdən) başqa! (Allah onları agah edər). Allah onun önündən və arxasından (mühafizəçi mələklərdən ibarət olan) gözətçilər göndərər ki, (mələklərdən və bəşərdən olan rəsulları şeytanların əziyyətlərindən qorusun və)”. (“Cinn” 26-27).

Əllamə Təbatəbai bu ayənin təfsirində yazır: “Ayənin zahirinə nəzər salsaq, görərik ki, ancaq İlahi peyğəmbərlər (ə) Allahın elmindən agahdırlar. Xüsusi daxili güc vasitəsilə onu quruyurlar”.

Bəli, Həzrət Peyğəmbər (s) də həm məsum və həm də bəsirət əhlindən olduğu üçün, Allahın elmini qorumuş və özünü hər cür rəzil sifətdən pak saxlamışdır. Deməli, ismətin fəlsəfəsi budur ki, insanı hər cür xata və büdrəmədən qoruyar və onu Allah bəndəsi edər. Peyğəmbərlər (ə) də İlahi elmin sayəsində heç bir zaman xata və büdrəməyə yol verməzlər. Çünki ismət sahibirlər.

/Deyerler.org/

« Aprel 2024 »

Ça