Namaz qılmağın nə faydası var?
Mьəllif: admin1
Tarix: 13-02-2023, 10:26
Namaz qılmağın nə faydası var?
Bizim Allah Təala qarşısındakı əsil vəzifəmiz nədir?

Varlıq aləminin xilqəti və peyğəmbərlərin (ə) besəti məhz ibadət üçün həyata keçmişdir.

Allah buyurur: “Cin və insanları yalnız Mənə ibadət etmələri üçün yaratmışam”. (“Zariyat” 56).

Bütün peyğəmbərlərin (ə) əsil vəzifəsi – insanları ibadət etməyə dəvət etmək olmuşdur. Allahın bizim ibadətimizə ehtiyacı yoxdur. Bilmək lazımdır ki, ibadətin mənfəəti, ancaq onu yerinə yetirənə şamil olar.

Əllamə Təbatəbai yuxarıdakı ayənin təfsirində buyurur: “Allah Təala insanı yaratmışdır ki, ona savab versin. Məlumdur ki, ibadətin savabı da insanın özünə şamil olar.

Bu, insandır ki, həmin ibadətdən bəhrələnər, nəinki Allah. Çünki Allah insanların ibadətindən ehtiyacsızdır. İnsana ona görə savab verər ki, özü Allahdır.

Ona görə də savab – Allah kamalını isbat edən əməldir. Bu səbəbdən insan xilqətinin hədəfi – ibadətdir. O kamaldır ki, ancaq insana aid olar.

İbadət həm hədəfdir və həm də Allahın rəhmət və məğfirətidir”.

Şəhid Mütəhhəri ibadət haqqında buyurur: “Yeganə Allahı – ən kamil zat, hər cür nöqsandan pak bir varlıq və yer üzərini yaradan, ona feyz verən bir varlıq kimi tanımaq, insanda çox güclü bir reaksiya yaradar ki, ona pərəstiş deyərlər.

Pərəstiş, insanın öz Yaradanı ilə bərqərar etdiyi müti, şakir bir rabitədir. İnsan bu cür rabitəni ancaq Allahı ilə bərqərar edər”.

Əllamə Təbatəbai ibadət haqqında buyurur: “İbadətin həqiqəti budur ki, bəndə özünü zillət məqamında və ubudiyyət məqamında qərar verər. Üzünü Allaha tərəf çevirər.

Ona görə də deyə bilərik ki, insan xilqətinin əsil hədəfi – ibadətin həqiqətidir. Yəni odur ki, bəndə özünü hər şeydən ayırar, Allahı yada salar və Onu zikr edər”.

Şəhid Mütəhhəri buyurur: “Əgər biz ibadət ediriksə və bu ibadət də təkrarlanan ibadətdirsə – namaz kimi – bu, həqiqətdə nə üçündür? Bəlkə ona görədir ki, həmişə yadımızda olsun ki, bəndəyik və Allahımız vardır.

Bəzən insanlar soruşurlar ki, bizim namaz qılmağımızın nə faydası vardır? Allah üçün nə faydası vardır?

Namaz ona görədir ki, Allah yadımızdan çıxmasın. Yəni, Allahın mövcudluğu həmişə bizimlə olsun. Qəlbimizdə mövcud olsun. Yadımızdan çıxmasın ki, biz bəndəyik və xilqətimiz əbəs yerə deyildir. Əgər bəndəyiksə, vəzifə və təklifimiz vardır”.

Bu deyilənlərdən belə nəticəyə gəlmək olur ki, ibadətin fəlsəfəsi – Allah qarşısında təslim olmaqdır. Onun zikrini və mövcudluğunun dərkini canlı saxlamaqdır.

Hər bir ibadətin isə özünəməxsus həqiqət və fəlsəfəsi vardır. Misal üçün, Qurani-Kərim namaz haqqında buyurur ki, namaz insanı fəhşa və münkərdən saxlayar. Namaz Allahı yada salmaq üçün yerinə yetirilər.

Oruc haqqında buyurar ki, oruc sizə ona görə vacib olmuşdur ki, təqva əhli olasınız.

Zəkat haqqında buyurur ki, zəkat insanların mallarını və ruhlarını paklayar.

İmam Əli (ə) buyurur: “Allah, imanı, şirkdən pak olmaq üçün vacib etmişdir. Namazı, təkəbbürdən pak olmaq üçün vacib etmişdir”.

Beləliklə deyə bilərik ki, ibadətin fəlsəfəsi odur ki, bəndə olduğumuzu, Allahımızın olduğunu yaddan çıxartmayaq və bilək ki, bizi yaradan vardır və Ona ibadət etmək ancaq bizə fayda verər. Çünki, Allahın bizim ibadətlərimizə ehtiyacı yoxdur. O, Kamil Mütləqdir. Biz isə zəlil və bəndə.



/Deyerler.org/
Oxşar xəbərlər
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031