Zəlzələ və digər bəlaların hikməti nədir?
Müəllif: admin1
Tarix: 22-06-2022, 23:08
Zəlzələ və digər bəlaların hikməti nədir?
İlahi sünnətlərdən biri də bəla və imtahandır ki, insanlara nazil olar.

Bu hadisələrin faydaları müxtəlifdir. Əgər səbir olunarsa, bunun böyük əcr və savabı vardır. Zəlzələ də bu İlahi imtahanların bir parçasıdır.

Allah Təala bu hadisələr vasitəsilə xatırladır ki, ey insanlar qəflətdən ayılın və fəsaddan əl çəkin. Nə zamana qədər günah sizi Məndən uzaqlaşdıracaqdır? Özünüzə gəlin və Məni yada salın!

“Sizi mütləq bir az qorxu və aclıqla, eləcə də mal, can və (ağac) məhsulların(ın, yaxud arvad-uşaq kimi həyat səmərələrinin)azlığı ilə imtahan edəcəyik. Səbir edənlərə müjdə ver”. (“Bəqərə” 155).

Zəlzələ insanlar üçün acı hadisə kimi görünsə də, ancaq bir xəbərdarlıqdır.

İmam Sadiq (ə) buyurur: “Mömin bəndədən 40 gecə keçməz, məgər o halda ki, onun üçün hadisə baş verər. Onu qəmgin edər və onun vasitəsilə təzəkkür olunar”.

Bu dünyada ən ağır imtahanlar peyğəmbərlərin (ə), İmamların (ə) və həqiqi möminlərin üzərinə düşmüşdür. Bunların müqabilində onlar böyük səbir nümayiş etdirmiş və mətanət göstərmişdilər.

Allah Təala, sevimli bəndəsinin imtahanını daha ağır edər. Ona görə də bu dünyada baş verən hər bir hadisənin hikməti vardır. Ona ancaq acı tərəfdən baxmayın, nəticə çıxartmağa çalışın ki, Allahın da istəyi məhz budur.




/Deyerler.org/
Oxşar xəbərlər
«    İyun 2022    »
BeÇaÇCaCŞB
 12345
6789101112
13141516171819
20212223242526
27282930