05.05.2015- tarixində Gürcüstan Əhli-Beyt (ə) Cəmiyyətinin nəzdində fəaliyyət göstərən "Əhli-Beyt (ə) aşiqləri" forumu və Algeti üzümçülük Sovxozu kəndində yerləşən
İmam Rza (ə) məscidinin birgə təşkilatçılığı ilə həmin Məsciddə İmam Əlinin (ə) mövludu münasibəti ilə bayram tədbiri qeyd edildi.

Tədbir Quran qarisi Məşədi İntizarın oxuduğu Quran tilavəti ilə başladı.

Aparıcı Anar suleymanov məclis iştirakçılarını salamlayaraq sözü İmam Rza (ə) Məscidinin axundu Məşədi Ramin Əliyevə verdi.

Məşədi Ramin öz növbəsində məclis iştirakçılarını salamlayaraq mövlud münasibəti ilə təbrik etdi və sözü Əhli-Beyt (ə) məddahı Kərbəlayi Rza Cəfəriyə verdi.

Kərbəlayi Rza Cəfəri Əhli-Beytin (ə) şəninə şeir və ilahilər səsləndirdi.

Məclisin davamında Kənd ziyalılarından bir nəfər iştirakçıları salamladı.

Daha sonra Əhli-Beyt (ə) Cəmiyyətinin Muəllimi Elçin Daşdanzadə, Peyğəmbər (s) İslamın ən həssas işlərini yalnız Əli (ə) ilə birlikdə etdiklərini bildirdi.

Tədbir "Fərəc" duasının oxunduqdan sonra ehsan süfrəsi ilə yekunlaşdı.



ahlibeyt.ge