Ahlibeyt.ge xəbər verir ki, bu gün Gürcüstan Müsəlmanları İdarəsinin şeyxi ölkədə fəaliyyət göstərən din xadimləri ilə ümumi toplantı keçirdi. Toplantıda görülən işlər və görüləcək proqramlar haqda məlumat verildi, tənqid və təkliflər dinlənildi, suallar cavablandırıldı. Din xadimlərinə yarım illik dini təlim, təbliğlərini və axundluq məsuliyyətlərini əks etdirən “Fəaliyyət anket”ləri təqdim olundu. Onlar dini fəaliyyətləri haqda verilmiş kağızları doldurub, şəkillər təqdim etməklə öz fəaliyyətləri haqda ətraflı məlumat vermiş olacaqlar. Hörmətli ruhanilərə müqəddəs fəaliyyətlərində uğurlar dilənildi.
Qeyd edək ki, bu ilin ilk toplantısı ilin əvvəlində olmuşdu. Növbəti toplantının sentyabr ayında keçirilməsi nəzərdə tutulur.