TBİLİSİDƏ "XİLASKARIN İNTİZARI” MÖVZUSUNDA ELMİ KONFRANS... (FOTO-VIDEO)
Ahlibeyt.ge xəbər verir ki, bu gün Gürcüstan Müsəlmanları İdarəsinin və "Alulbeyt” Dini Mədəniyyət Mərkəzinin birgə təşkilatçılığı ilə Tbilisidə "Xilaskarın intizarı - İslam məzhəblərində" mövzusunda elmi konfrans keçirilib.
Din, elm və ictimaiyyət xadimlərinin qatıldığı konfransda Gürcüstan Müsəlmanları İdarəsinin şeyxi, müftisi və İran və Azərbaycandan dəvət olunan alim, şair və məddahlar iştirak etdi.
Konfransın aparıcısı Kərbəlayi Pərviz Abdullayev konfransın məram və məqsədini söylədikdən sonra Qurani-Kərimin tilavəti üçün sözü Vidadi Qurbanova verdi. Sonra Gürcüstan Müsəlmanları İdarəsinin şeyxi Hacı Ramin İgidov İmamət məqamının hər zaman üçün olduğunu və zəruriliyini bir neçə ayə və hədislərə əsasən açıqladı.
Sonra Şərqi Gürcüstanın müftisi Hacı Yasin Əliyev Əhli-sünnə mənbələrinə əsasən müəyyən fərqli nəzəriyyələr olsa da Hz. Məhdi (ə) inancının haqq olduğu və xilaskarın intizarında olmanın əhəmiyyətindən danışdı.
Daha sonra ölkəmizdə qonaq olan Hz. Məhdi (ə) adına Araşdırma Mərkəzinin sədri Pur Seyyid Ağayi və Ayətullah Seyyid Əli Xameneinin Azərbaycan üzrə səlahiyyətli nümayəndəsi Seyyid Əli Əkbər Ocaq Necat gözəl bəyanı ilə aləmin və zamananın imamı və vəd olunmuş xilaskar Hz. İmam Məhdinin (ə) zühurunun fəlsəfəsi, intizarın sirr və əhəmiyyəti və İlahi əmrin hər iki məzhəb mənbələrində qeyd olunması haqda geniş söhbət etdilər.
Onlar qeyd etdilər ki, son xilaskarın Peyğəmbərimizin (s) Əhli-beytindən (ə), pak nəslindən olması və Qiyamətdən öncə zühur edərək zülmlə dolmuş dünyaya ədalət, sülh və xöşbəxtlik bəxş edəcəyi məsələsində bütün İslam alimləri və məzhəbləri yekdilliklə həmfikirdilər. Sonra Qafqaz Müsəlmanları İdarəsinin nümayəndəsi Hacı Əli Əliyev təbriklərini və konfransla bağlı fikirlərini çatdırdı.
İki saat sürən konfrans, tanınmış Əhli-beyt (ə) şairi Ustad Qəffarinin İmam Zaman (ə.f) haqda öz şeirlərini oxumasından sonra İmam Zaman (ə.f) duası ilə sona çatdı.
Oxşar xəbərlər
|
 
      |
Bayram namazı və onun qılınma qaydası
Qədr gecəsinin namazı necə qılınır?
Fərəc duası
FİTR BAYRAMI. NƏ ETMƏLİ, NECƏ ETMƏLİ?
Quranda vacib səcdə ayələri və bununla bağlı mühüm məsələlər
Bu zikri səcdədə deyən, mütləq müsbət nəticə əldə edər
QƏDR GECƏLƏRİNİN MÜŞTƏRƏK ƏMƏLLƏRİ
Həzrət Peyğəmbərdən (s) və İmam Əlidən (ə) 14 tərbiyəvi hədis
Quranı baş üzərinə qoyaraq deyilən “Bikə Ya Allah” zikrinin misilsiz təsiri
Fitrə zəkatı nə qədərdir? Nə vaxt çıxarmaq?
Şərh əlavə et
