QARDABANİ ŞƏHƏRİNDƏ İMAM ƏLİNİN (Ə) MÜBARƏK TƏVƏLLÜDÜ MÜNASİBƏTİ İLƏ TƏDBİR (FOTO)
 Tədbir Gürcüstan Müsəlmanları İdarəsinin və yerli dini təşkilatların təşəbbüsü ilə yüksək səviyyədə təşkil olunmuşdu. Tədbirdə elm və ictimaiyyət xadimləri və regionlardan dəvət olunan din xadimləri və inanclı müsəlmanlar iştirak etdi. Tədbirin aparıcısı Pərviz Abdullayev, Hacı Anar Bayramovun Quran tilavətindən sonra təbrik üçün sözü Hacı Namiq Hüseynova verdi. Sonra səhnəyə dəvət edilən Gürcüstan Müsəlmanları İdarəsinin şeyxi Hacı Ramin İgidov mərasim iştirakçılarını salamlayıb bayram münasibəti ilə təbrik etdikdən sonra Danışan (Natiqi) Quran və eyni zamanda Yaşayan canlı Quran olan Hz. Əlinin (ə) fəzilətlərindən və yüksək insani keyfiyyətləri haqda danışdı. Hz. Əlini (ə) sevib özünü onun ardıcılı hesab edən müsəlmanların ondan örnək almalarını, həyatları boyunca danışıq və davranışlarında Peyğəmbər (s) və pak Əhlibeytinin (ə) yolunu getmələrinin qurtuluş və səadəti üçün önəmli olduğunu bildirdi. Sonra Almaniyada İmam Əli (ə) adına İslam Mərkəzinin sədri və Dusseldorf şəhərinin İmam Cüməsi Məhəmməd Mücahidi və Al-mustafa Elm Mərkəzinin sədri Davud Zarii mərasim iştirakçılarını təbrik edərək, çıxışlarında Həzrətin həyatından örnəklər söyləyib İmam Əlinin (ə) tarixdə əvəzsiz şəxsiyyət olduğuna və xidmətlərinə işarə etdilər. Mərasimin xətibi Türkiyə Cəfərilərinin dini lideri Şeyx Səlahəddin Özgündüz Hz. İmam Əlinin (ə) elm və şücaətindən tarixi sitatlar gətirib Həzrətin yüksək insani keyfiyyətlərindən, misilsiz örnək xüsusiyyətləri haqda mərasim iştirakçılarını məlumatlandırdı. Mərasim gənc Gürcüstanlı məddah Səid Həsənin Hz. Əlinin (ə) şəninə oxuduğu şeir və ilahilərlə davam etdi. Sonda qonaqlar bayram süfrəsinə dəvət olundular.             Oxşar xəbərlər
|
 
      |
Bayram namazı və onun qılınma qaydası
Qədr gecəsinin namazı necə qılınır?
Fərəc duası
FİTR BAYRAMI. NƏ ETMƏLİ, NECƏ ETMƏLİ?
Quranda vacib səcdə ayələri və bununla bağlı mühüm məsələlər
Bu zikri səcdədə deyən, mütləq müsbət nəticə əldə edər
QƏDR GECƏLƏRİNİN MÜŞTƏRƏK ƏMƏLLƏRİ
Həzrət Peyğəmbərdən (s) və İmam Əlidən (ə) 14 tərbiyəvi hədis
Quranı baş üzərinə qoyaraq deyilən “Bikə Ya Allah” zikrinin misilsiz təsiri
Fitrə zəkatı nə qədərdir? Nə vaxt çıxarmaq?
Şərh əlavə et
