İslamazeri.az-ın İran mətbuatına istinadən verdiyi xəbərə görə, Ayətullah Xamenei şairlər və incəsənət xadimlərini qəbul edərkən çıxış edib. O, çıxışında deyib: “Cənablardan biri aşağıda bir şer oxudu. Məzmunu bu idi ki, siz qılınc çəksəniz çox sayda insan düşmənlə mübarizə etmək üçün qabağa gələr və özlərini fəda edər. Mən də dedim ki, mən qılıncı çəkmişəm və bununla məşğuluq. Sağ-sola zərbələr endiririk. Lakin bu günün qılıncı və mübarizəsi, ilk günlərdən fərqlidir. Biz bu gün yumuşaq mübarizədəyik. Siyasi, mədəni, təhlükəsizlik və nüfuz savaşındayıq. Düşüncələr və iradələr savaşırlar. Bu gün bizim təsirli vasitələrə çox ehtiyacımız var ki, onlardan biri də şerdir.”