Müsəlman lider və rəhbər idarə etdiyi ölkə və məmləkətdə digər şəxslərdən siyasi düşüncəsi və idarəçiliyi ilə seçildiyi kimi qətiyyəti ilə də seçilməlidir. Qətiyyəti olmayan süst və səhlənkar bir lider xalqının nümayəndələrinin haqlarını bərpa edə bilməz.

İslaminSesi.info - Hər bir liderin xalqın dəstəyinə ehtiyacı var. Xalqın dəstəyi olmazsa gec-tez onun hakimiyyətinin sütunları titrəməyə başlayacaq. Xalqın dəstəyini qazanmaq isə səmərəli idarəçilik, qətiyyətli olmaq, ədaləti bərpa etmək, ölkəni qorumaq və xalqın rifahını təmin etməkdən keçir. Xüsusilə də inanclı bir lider ədaləti bərpa etmək və xalqa xidmət baxımından daha çox iradəyə malik olur. Amma o bu yolda səhlənkarlığa yol verərsə məhbubiyyəti aradan gedəcək.