Ahlibeyt.ge xəbər verir ki, bu gün Gürcüstan Əhli-Beyt (ə) cəmiyyəti və onun nəzdində fəaliyyət göstərən “Zeynəb (s.ə)” Qadınlar Birliyinin təşkilatçılığı ilə Marneuli Əhli-Beyt (ə) cəmiyyətinin hüseyniyyəsində Xanımlar seyyidəsi xanım Fatimənin (s.ə) mübarək təvəllüd gününə həsr olunmuş “Atasının anası” adlı bayram tədbiri qeyd olundu.

Bayram məclisi Xanım Zəhra (s.ə) mədrəsəsinin müəlliməsi Kərbəlayi Lamidə Bayramovanın Quran tilavəti ilə açıq elan olundu. Sonra “Zeynəb (s.ə)” Qadınlar Birliyinin müəlliməsi Kərbəlayi Rəna Elçiyeva gələn qonaqları salamlayıb qadınlar günü münasibəti ilə təbrik etdi.

Məclisdə xanım Zəhranın (s.ə) dəyər və fəziləti barədə çıxışlar, Əhli Beytin (ə) şəninə şer və ilahilər səsləndirildi, maraqlı viktarina və hədiyyələr, eyni zamanda az yaşlı tələbələrin iştirakı ilə analar üçün xüsusi təbrik proqramı həyata keçirildi.

Gürcüstan Müsəlman Qadınlar İcması və “Fatimeyi Zəhra (s.ə)” Cəmiyyətin sədri Gülşə Nemətova bütün xanımları təbrik edərək hər kəsi xanım Fatimənin (s.ə) fəzilət və dəyərini daha yaxından öyrənməyi tövsiyə etdi.

Məclis Fərəc duası və ziyafət süfrəsi ilə yekunlaşdı.