Bu gün Əhli-Beyt (ə) Cəmiyyəti, Əhli-Beyt (ə) Aşiqləri Forumu və Ağməmmədli İmam Riza (ə) məscidinin birgə təşkilatçılığı ilə Marneuli rayonunun Ağməmmədli kəndində yerləşən İmam Riza (ə) məscidinin hüseyniyyəsində imamət səmasının 11-ci nur saçan ulduzu İmam Həsən Əskəri (ə)-ın mübarək təvllüdü münasibəti ilə bayram tədbiri keçirildi.

Tədbir Elçin Daşdanzadənin oxuduğu Quran tilavəti ilə açıldı. Sonra söz Beynəlxalq əl-Mustafa Univerisitetinin Gürcüstan filialının müəllimi ilahiyyatçı Hacı Yusif Əliyevə verildi. Hacı Yusif İmam Həsən Əskəri (ə)-ın fəzilətlərindən və məsum imamların uca məqamı haqqında danışdı.

Daha sonra söz, Bakı şəhərindən təşrif buyurmuş "Vətən" ilahi nəğmələr qrupunun rəhbəri Seyyid Rövşənə verildi. Seyyid Rövşən Əhli-Beyt (ə) şəninə ilahilər ifa etdi.

Tədbirdə yerli kənd camaatı və ətraf məntəqələrdən gəlmiş inanclı müsəlmanlar iştirak etdilər.

Bayram tədbiri "Fərəc" duasının oxunması ilə yekunlaşdı.




Ahlibeyt.ge