Ahlibeyt.ge xəbər verir ki, ötən gün (17.11.2016 tarixində) Tbilisidə yerləşən “Cümə” məscidinin iclas zalında “Müasir və müvəffəq təlim və təbliğ metodları” mövzusunda təlim keçirildi.

Din xadimləri və müəllimələrindən ibarət iştirakçılar öncə BGMİnin şeyxi Hacı Ramin İgidovun ekranda nümayiş etdirərək bəyan etdiyi mühazirəni dinlədilər.

İştirakçılar təbliğ və təlimin keyfiyyət və kəmiyyətcə formaları, ənənəvi təlimlə qeyri ənənəvi təlimin fərqi, aktiv, interaktiv və passiv təlim növləri və s. bu sahəyə aid digər mövzularla tanış oldular.

Sonra O mövzu haqda tədbir iştirakçılarının suallarını cavablandırıb, belə təlimlərin mütamadi olaraq bütün din xadimləri arasında da keçiriləcəyini bildirdi.

Sonda isə Gürcüstanın müsəlman ictimaiyyətinə dinimizin müsbət və effektiv maarifləndirilməsi sahəsində faydalı təbliğ və təlim üsulları haqqında fikir mübadiləsi aparıldı.

Tədbirin bitdikdən sonra "Kərbəla vaqiəsi" adlı rəsm yarışmasının on nəfərdən ibarət qaliblərinə mükafatlar təqdim olundu.