Ahlibeyt.ge xəbər verir ki, ötən gün Qardabani şəhərində Həzrət Mehdinin (ə) təvəllüdü ilə bağlı bayram tədbiri keçirildi. Tədbirdə din xadimləri və ətraf rayon və kəndlərdən dəvət olunan inanclı insanlar iştirak etdi.

Kərbəlayi Pərvizin aparıcılığı ilə keçirilən tədbir Hacı Anarın Qurandan bir neçə ayəni tilavət etməsi ilə başladı.

Tədbirdə Gürcüstan Müsəlmanları İdarəsinin şeyxi Hacı Ramin İgidov, Əhlibeyt hikməti cəmiyyətinin sədri Hacı Namiq Hüseynov, İran İslam Respublikasından təşrif gətirən Höccətul İslam vəl-muslimin doktor Hairi, Qum elmiyyə hövzəsinin hörmətli ustadlarından olan Məhəmməd Baqir Sayvəri və Seyyid Doktor Hüseyni,başqaları çıxış edərək zamananın İmamı və xilaskarı Hz. İmam Mehdinin qeybdə olmasının və intizarın mahiyyət və fəzilətləri və eyni zamanda imamın həqiqi yolunu gözləyənlərin vəzifələri haqda söhbət etdilər. Çıxışlar arası bayram tədbirində iştirak edən Əhli-Beyt (ə) məddahi Vasif Vəsfinur imamın və Əhli-Beytin (ə) şəninə şer və ilahilər səsləndirdi.

Sonra bir ay öncə Xanım müəllimələrin tələbələri arasında keçirilən Quran müsabiqəsinin qaliblərinə və qaliblərin müəllimələrinə Gürcüstan Müsəlmanları İdarəsi tərəfindən Qurani-Kərim, qiymətli hədiyyələr və təqdirnamələr təqdim edildi. Həmin məqamda Qiyabi dini təlim kursunu bitirən oxuculara da daxili sertifikat və hədiyyələrlə mükafatlandırıldılar.

Qeyd edək ki, Quran müsabiqəsinin birinci yerin qalibləri, Gürcüstan Əhli-beyt (ə) cəmiyyətinin tələbələridi.

Sonda bayram süfrəsi ətrafına təşkil olunan tədbir İmam Zaman (ə) duası oxunmaqla sona çatdı.

Əlavə edək ki, neçə gündür ki, ölkəmizin bir çox bölgələrində digər məsumların viladət günləri kimi Həzrət İmam Zamanın (ə) da mövludu böyük sevinc və şadlıqla qeyd olunur. Allah zəhmət çəkən hər kəsdən qəbul etsin. Amin!