Prezidentin vəzifəyə başlamasından sonra, etdiyi çıxış və iştirak etdiyi tədbirlərə yer verilən proqramda, Van der Bellen ilə bir müsahibə də alınıb.

Son günlər mübahisələrə səbəb olan ikili vətəndaşlıq məsələsinə münasibət bildirən Van der Bellen, insanın ikili vətəndaşlığa malik olmasında bir problem görmədiyini deyib. Avstriya prezidenti, həmçinin ikili vətəndaşlığın Avstriya dövlətinə zərər verəcəyini də düşünmədiyini söyləyib.

Ölkəsində mübahisələrə səbəb olan hicab probleminə dair sualı cavablandıran Van der Bellen, belə danışıb: "Qadınlar necə istəyirlərsə, o cür də geyinmələri onların təbii haqqıdır. Təkcə müsəlman qadınlar yox, bütün qadınlar hicab geyinə bilərlər. Əgər bu cür davam edərsə, islamofobiya hərtərəfli genişlənərsə, bir gün dini səbəblərlə hicab bağlayanlara dəstək vermək üçün bütün qadınlardan hicab taxmasını istəməyə məcbur qala bilərik".