İblisin (lən) hakim olduğu bazar

Mьəllif: admin1

Tarix: 24-01-2018, 21:18

İmam Baqir (ə) buyurur: “Yer üzündə ən pis məkan – bazarlardır. (Çünki) bazar – şeytanın meydanıdır. Səhərin əvvəlində bayrağını orada nəsb edər və taxtını qurar. Uşaqlarını hər tərəfə yayar. Tərəzidə az satan insana tərəf və ya tərəzisini yüngül edənə tərəf, ya o kəsə tərəf ki, uzunluğu ölçməkdə oğurluq edir, ya o kəsə tərəf ki, malını satmaq üçün yalan deyir. O, (şeytan) övladlarına deyər: “Atası (Həzrət Adəm) ölmüş insanları aldadın, o halda ki, sizin atanız (İblis) hələ sağdır”.

İblis bazara gələn ilk insanla daxil olar və bazarı tərk edən son insanla geri qayıdar”.

Əlbəttə, İmamın (ə) bu buyuruşları halala riayət olunmayan bazarlara aiddir.

Həzrət Peyğəmbər (s) bazar haqqında buyurur: “Bazar – xəbərsizlik və qəflət sarayıdır. Hər kim bazarda bir təsbih deyər, Allah onun üçün min-min savab yazar”.

Bazar özü-özlüyündə pis məkan deyildir. İnsanların əməl və rəftarları onu pis yerə çevirmişdir.

/Deyerler.org/

« Aprel 2024 »

Ça