Gürcüstanda karantində saxlanılanların sayı mini ötdü
Mьəllif: admin1
Tarix: 16-03-2020, 23:24
Bцlmə: Xəbərlər
Gürcüstanda karantində saxlanılanların sayı mini ötdü
Gürcüstanda koronavirus infeksiyası ilə bağlı karantin nəzarətində saxlanılanların sayı 1008-ə çatıb.

Bu barədə Gürcüstan hökumətinin koronavirusla bağlı yaratdığı xüsusi rəsmi saytda bildirilib.

Qeyd olunub ki, stasionar nəzarətdə saxlanılan şəxslərin sayı 64 nəfər təşkil edir.

Bu arada Gürcüstanın baş naziri Giorgi Qaxarianın rəhbərliyi altında Milli Təhlükəsizlik Şurasının iclası keçirilib.

Toplantıda bildirilib ki, bu gün ölkədə fövqəladə vəziyyətin elan olunmasına ehtiyac yoxdur və Gürcüstan hökuməti bu barədə qərarı koronavirusla bağlı vəziyyətin inkişafından asılı olaraq qəbul edəcək.

Qeyd edək ki, ölkədə koronavirusa 33 yoluxma halı təsdiqlənib. Onlardan biri – azərbaycanlı pasiyent tam sağalaraq bu gün evə buraxılıb. İkinci pasiyent də sağalmaq üzrədir.
(24News.ge)
Oxşar xəbərlər
«    İyul 2025    »
BeÇaÇCaCŞB
 123456
78910111213
14151617181920
21222324252627
28293031