İslamazeri.com-un "Mehr" agentliyinə istinadən xəbər verir ki, İranın Pakistana sərhəd Sistan-Bəluçistan bölgəsinin cənubunda Çabahar Hava Limanına yaxın partlayıcı quraşdırılmış avtomobildə kamikadze özünü partladıb.

Yerli media hücum zamanı 4 nəfərin dünyasını dəyişdiyini, 3 nəfərin isə yaralandığını açıqlayıb.

Məlumata görə, hələ mənsub olduğu qruplaşma məlum olmayan kamikadze terrorçu içində partlayıcı dolu Nissan markalı pikap avtomobilini partladıb.

Yerli rəsmilər terrorçunun hədəfinin Çabahar Polisinin rəisi olduğunu açıqlayıblar.

İranın bu bölgə üzrə güc strukturları təhlükəsizlik tədbirlərini artıraraq istintaq axtarış işlərini başladıb.

https://media.mehrnews.com/d/2018/12/06/3/2976719_480p.mp4