Gürcüstanda üç nazir dəyişəcək
Müəllif: Admin
Tarix: 12-07-2018, 10:29
Bölmə: Xəbərlər
Gürcüstanda üç nazir dəyişəcək
Gürcüstanın baş naziri Mamuka Baxtadze yeni hökumətin tərkibini açıqlayıb.

APA-nın Gürcüstan bürosunun məlumatına görə, yeni nazirlər kabinetində üç yeni nazir təmsil olunacaq.

Təhsil, elm, mədəniyyət və idman naziri vəzifəsinə Mixeil Batiaşvili, iqtisadiyyat və davamlı inkişaf naziri vəzifəsinə Giorgi Kobulia, maliyyə naziri vəzifəsinə isə İvane Maçavarianinin namizədliyi təqdim olunub.

M. Batiaşvili Tbilisi Biznes və Texnologiyalar Universitetinin rektorudur. G. Kobulia Rusiyada sahibkarlıq fəaliyyəti ilə məşğul olub, İ. Maçavariani isə “Geocell” şirkətinin kommersiya direktoru vəzifəsində çalışıb.

Parlamentin yenilənmiş hökumətə bu həftənin sonunda etimad göstərəcəyi gözlənilir.

Qeyd edək ki, qonşu ölkənin 14 nazirlikdən ibarət hazırkı müvəqqəti hökuməti bu ilin iyunun 20-dən fəaliyyət göstərir. Hökumət strukturunda edilmiş dəyişikliklərə əsasən, 14 nazirliyin əvəzinə 10 nazirlik və 1 dövlət naziri aparatı qalacaq.
Oxşar xəbərlər
«    Mart 2019    »
BeÇaÇCaCŞB
 123
45678910
11121314151617
18192021222324
25262728293031