İranın elm və texnologiya işləri üzrə müavini vitse prezidenti Sorena Səttari İranın 2017-ci ilin sonuna qədər NANO texnalogiyası üzrə elmi töhfəsinə görə, dünyada 4-cü yerə yüksələcəyini deyib.

Deyerler.org İRNA-ya istinadən xəbər verir ki, Sorena Səttari Tehran universitetində Elm və Texnologiya Nəaliyyətləri sərgisinin açılışında çıxış edib: "2017-ci ilin ilk 4 ayında NANO elmi istehsalında bir pillə irəliləyərək, 5-ci yerdə qərarlaşdıq. Cənubi Koreya ilə olan az məsafəmiz nəzərə alındıqda 2017-ci ilin sonuna qədər 4-cü yerə yüksələ bilərik".

Səttari özəl sektorun tədqiqatlara dəstək verməsini istəyərək, təkcə dövlət tərəfindən aparılacaq tədqiqatlar ilə rəqabət və irəliləyişin mümkün olmayacağını söyləyib.