Gürcüstan parlamentində dava düşüb
Mьəllif: admin1
Tarix: 20-04-2017, 10:43
Gürcüstan parlamentində dava düşüb
Gürcüstan parlamentinin ötən gün keçirilən iclasında deputatlar arasında qarşıdurma yaranıb.

APA-nın Gürcüstan bürosunun məlumatına görə, Dövlət Təhlükəsizlik Xidmətinin rəhbəri Vaxtanq Qomelaurinin hesabat çıxışı zamanı “Vətənpərvərlər İttifaqı”ndan olan Emzar Kvitsiani və “Avropalı Gürcüstan” Partiyasının liderlərindən biri Giqa Bokeriya arasında mübahisə baş verib.

Toplantının açıq və ya qapalı keçirilməsi barədə müzakirələr zamanı “Vətənpərvərlər İttifaqı”ndan olan E. Kvitsiani bildirib ki, “xarici rezident Giqa Bokeriya burdadırsa, iclasın açıq və ya qapalı olması fərq etmir”. Bundan sonra tərəflər arasında mübahisə yaranıb. G. Bokeriyanın üzərinə yeriyən E. Kvitsiani digər deputatlar tərəfindən dayandırılıb. O, öz yerindən Bokeriyaya tərəf qələm və su atıb.

Daha bir qarşıdurma deputat otağında baş verib. Bu dəfə hakimiyyətdəki “Gürcü Arzusu”ndan Vano Zardiaşvili və “Avropalı Gürcüstan”dan Georgi Kandelaki mübahisə ediblər. Mübahisə zamanı G. Kandelakinin atdığı külqabı onun öz partiya yoldaşı Otar Kaxidzenin başına dəyib. Nəticədə O. Kaxidzenin başı yarılıb. O, həkimə aparılıb.


Oxşar xəbərlər
«    Dekabr 2022    »
BeÇaÇCaCŞB
 1234
567891011
12131415161718
19202122232425
262728293031