Filippinin cənubunda bombanın partlaması nəticəsində prezident Rodriqo Dutertenin 7 mühafizəçisi və iki hərbçi yaralanıb. Hadisə dövlət başçısının bu regiona planlı səfərindən bir gün öncə baş verib.

FaktXəbər-in məlumatına görə, bu barədə Röyters agentliyi xəbər yayıb.

Ölkənin Milli Müdafiə Nazirinin sözlərinə görə, prezidentin əlavə mühafizəçilərinin olduğu yük maşını keçərkən əldəqayırma partlayıcı qurğu işə düşüb. Onun sözlərinə görə, hadisədən sonra atışma olmayıb, yaralılar operativ surətdə xəstəxaya çatdırılıb.

Həmçinin o da vurğulanıb ki, maşın karvanında jurnalistlər də olub. Lakin onlar arasında xəsarət alan yoxdur.