Gürcüstan MSK: Birmandatlı dairələrin əksəriyyətində seçkilərin ikinci turunun keçiriləcəyi gözlənilir
Müəllif: Admin
Tarix: 9-10-2016, 13:22
Gürcüstan MSK: Birmandatlı dairələrin əksəriyyətində seçkilərin ikinci turunun keçiriləcəyi gözlənilir
Gürcüstanda bir çox birmandatlı dairədə ikinci tur parlament seçkilərinin keçiriləcəyi gözlənilir.

APA-nın məlumatına görə, bunu bu gün keçirdiyi brifinqdə Gürcüstan Mərkəzi Seçki Komissiyasının sədri Tamar Jivaniya bildirib.

T. Jivaniya MSK sədri deyib ki, hazırda MSK əməkdaşları birmandatlı dairələr üzrə 1415 seçki məntəqəsindən daxil olan məlumatları araşdırır: “Əldə edilən məlumatlara əsasən hazırda hansı sayda birmandatlı dairədə ikinci turun keçiriləcəyini söyləməyə imkan vermir. Ancaq mümkündür ki, böyük sayda birmandatlı dairədə seçkilərin ikinci turunu keçirməyə ehtiyac yaransın”.

Qeyd edək ki, dünən Gürcüstanda parlament seçkiləri keçirilib. Gürcüstan parlamentinə 150 deputatın 77-i partiya siyahısı (proporsional), 73-2 birmandatlı dairələrdən (majoritar) seçilməlidir. 73 birmandatlı dairədə deputat mandatı uğrunda 816 nəfər mübarizə aparır. Birmandatlı dairələrdə deputat seçilmək üçün namizədlərdən birinin 50 faiz+1 səs toplaması tələb olunur.

MSK-nın məlumatına görə, indiyə qədər səslərin 63,4 faizi hesablanıb. Hakim “Gürcü arzusu” səslərin 49,2 faizini, Mixail Saakaşvilinin lideri olduğu Vahid Milli Hərəkat isə səslərin 26,7 faizini toplayıb. Digər partiyalar hələ ki, 5 faizlik seçki baryerini keçməyib.

Oxşar xəbərlər
«    İyun 2017    »
BeÇaÇCaCŞB
 1234
567891011
12131415161718
19202122232425
2627282930