Rusiya pravoslav kilsəsinin arxierisi, Saratov mitropoliyasının başçısı, Saratov Pravoslav Ruhani Seminariyasının rektoru, RF İctimai Palatasının üzvü Vladimir Lonqin (Korçaqin) maraqlı açıqlama ilə çıxış edib.
Ahlibeyt.ge İslam.az-a istinadən verdiyi xəbərə görə, müsəlman qadınlarının hicab örtüyündən danışan rus ruhani deyib:
"Qadınların müsəlman hicabları bağlaması hələ Bibliyadan gələn qədim ənənədir. Bizdə hələ Apostol dövrlərindən belə bir ənənə var ki, qadın başını bağlamalıdır. Bu bir ənənədir və vacibdir. Burada heç bir halda hansısa zorakılıq, yaxud gerilik, cəhalət halları axtarmaq doğru deyil".