Birləşmiş Millətlər Təşkilatının xüsusi ixtisaslaşdırılmış qurumu olan Beynəlxalq Telekommunikasiya İttifaqının (ITU) yayımladığı yeni hesabatda bildirilir ki, dünya əhalisinin yarısından çoxunun (3.9 milyard nəfər) interneti yoxdur.

Maide.Az xəbər verir ki, ITU-nun hesabatına görə, dünyada kişilər qadınlardan daha çox internet istifadə edirlər.
Hesabata görə, 2013-cü ildə dünyada kişilər qadınlara nisbətdə 11 faiz çoxluq təşkil edib, bu rəqəm 2016-cı ildə 12 faizə qalxıb.

Hesabatda bildirilir ki, Afrika qitəsində kişilər qadınlara nisbətdə 23 faiz, Amerikada isə 2 faiz çox internet istifadəçisidir.