İslamazeri.az-ın “Fars” agentliyinə istinadən verdiyi xəbərə əsasən, Ayətullah Yəzdi ölkənin taleyindən nigaran olduğunu diqqətə çəkərək bildirib: “Bir neçə gün öncə “Xobreqan” məclisi ilə əlaqəli olan məsələləri ali məqamlı rəhbərə təqdim etmək üçün onunla görüşdüm. Ölkənin və inqilabın gələcəyindən çox narahat və nigaran idim. Bunu anlayan Ayətullah Xameni öz sözləri ilə mənə təsəlli verərək dedi: “Sizin bu nigarançılığınız mərhum imam Xomeyninin zamanında məndə də var idi. Onunla görüşdüm və o mənə dedi: Xalqımızın olduğu günə qədər bu ölkə və inqilab üçün nigaran olmağınıza dəyməz.”