Dünya ədalət sorağında, ədalətsə Mehdi (ə) intizarındadır.

» » İmam Zamanın (ə) zühur etməsi ilə Novruz bayramının əlaqəsi

İmam Zamanın (ə) zühur etməsi ilə Novruz bayramının əlaqəsi

İmam Zamanın (ə) zühur etməsi ilə Novruz bayramının əlaqəsi
Dünyanın zülmlə dolacağı zaman Allahın izni ilə bir xilaskar zühur edib onu ədalətə bürüyər. Bu fikir təkcə İslam dini deyil, digər səmavi dinlərdə də mövcuddur. İslam dini daxili məzhəblərinin hamısında da bu xəbər yer almışdır. Lakin İmamiyyə məzhəbində yer alan çoxsaylı tutarlı sənədlər və sübutlara əsasən xilaskar qeybə çəkilmiş 12-ci İmamdır.
Mötəbər hədislərə əsasən İmam Zamanın zühur etmə vaxtını elan edənlər yalançıdırlar. (Şeyx Tusi, Kitabul-Ğayba səh 261) Amma bununla yanaşı İmam Zamanın zühur edən zamanında baş verəcək əlamətlərdən və bəzi zamanlardan söz açılır. (Kəmaluddin cild-2, səh-653) Bu o deməkdir ki, yalançılar İmamın zühur etməsininin vaxtını dəqiqliklə iddia edənlərdir. Amma İmamın cümə günündə, yaxud şənbə günü, aşura günü, yaxud da axşam namazı vaxtı və sair ümumi zamanlarda zühur edəcəyini deyən hədis və ya kimsə yalançı sayılmaz. Çünki burada dəqiq tarix qeyd edilməyib.
Qeyd edək ki, hədislərdə cümə gününün İmam Zamana xas olduğu deyilir. Bu əsassız deyil. İmamın aşura günündə də zühur edəcəyi haqda hədislər var.
İndiyə qədər eşitmədiyimiz hədislərdən biri də İmamın Novruzda zühur etməsini deyən kəlamdır.
Əllamə Məhəmməd Baqir Məclisi qiymətli "Bəharul-Ənvar" əsərində (cild-52, səh-208) İmamın Novruzda zühur edəcəyini deyən hədisi gətirmişdir.
İmamın Novruzda, aşura, ya cümədə və ya axşam namazı vaxtı zühur etməsini deyən hədislər arasında təzad yoxdur. Çünki novruz hicri-şəmsi tarixi, aşura isə hicri-qəməri tarixi ilə hesablanır, bunların hər ikisinin cüməyə təsadüf etməsi də qeyri mükün deyil.
Burada maraqlı bir məqam da mövcuddur. Əllamə Məclisi Bəharul-Ənvar əsərində (cild-99 səh 101) İmam Zaman barədə deyilən ziyarətnaməni gətirir. Ziyarətnamədəki bu sitat çox diqqət çəkir “Salam olsun sənə ey insaniyyətin baharı, günlərin yaşıllığı”
Bu ifadələr daha çox novruzun simvolu olduğu bahara və bu fəslin gəlişi ilə təbiətin yenidən dirilməsinə işarədir. Təbii ki imamın zühur etməsi də baharın təbiəti diriltdiyi kimi onun zühuru yer üzünə yeni nəfəz verəcək (Ən gözəl bilici Allahın özüdür)


İslaminSesi
Müəllif: Admin | 19-03-2016, 09:51
Baxılıb: 436
    
Hörmətli ziyarətçi, siz sayta qeydsiz istifadəçi kimi daxil olmusunuz. Biz tövsiyə edirik ki, saytda qeydiyyatdan keçin, əgər qeydiyyatdan keçibsiniz isə istifadəçi məlumatlarınızla sayta daxil olun.