Həzrət Peyğəmbərin (s) Həzrət Zəhra (s.ə) haqqında buyurduqlarından
Həzrət Məhəmmədin (s) qızı Həzrət xanım Fatimeyi Zəhra (s.ə) haqqında buyurduqlarından bir qismini oxucularımıza təqdim edirik:
“Fatimə mənim bədənimin bir parçasıdır. Onu sevindirən məni sevindirib və onu qəmləndirən məni qəmləndirib. Fatimə mənim üçün ən əziz şəxsdir.”[1] “Həqiqətən Fatimə mənim bədənimin bir parçasıdır. O mənim gözümün nuru və qəlbimin meyvəsidir. Onu qəmləndirən məni də qəmləndirir və onu şad edən məni də şad edir. O mənim Əhli-Beytimdən mənə qovuşan ilk şəxsdir.”[2] “Qızım Fatimə dünya xanımlarının xanımıdır.”[3] “Fatimə Cənnət xanımlarının xanımıdır.”[4] “Qızım Fatimə dünyanın – yaradılışın əvvəlindən sonuna kimi – bütün qadınlarının xanımıdır.”[5] Allahın Peyğəmbəri (s) Həzrət Fatiməyə (s.ə) buyurub: “Allah sənin qəzəbinlə qəzəblənir və sənin sevincinlə şad olur.”[6] ________________________________ [1] Biharul-Ənvar, c.43, səh.23, hədis 17 [2] Əmali-Səduq, səh.394, hədis 18 [3] Biharul-Ənvar, 43, səh.22, hədis 13 [4] Musnəd əhməd ibn Hənbəl, c.3,səh.80 [5] Nurus-Səqəleyn, c.1, səh.338, hədis 135 [6] Kənzul-Ummal, hədis 37725 (www.ahliman.info) Oxşar xəbərlər
|
|