“Cümə” surəsi möminlər üçün müjdədir
Mьəllif: admin1
Tarix: 28-08-2022, 10:03
“Cümə” surəsi möminlər üçün müjdədir
"Cümə” surəsi müqəddəs Quranın 62-ci surəsidir, 11 ayəsi vardır və Mədənidir (Mədinədə nazil olub).

Həzrət Peyğəmbər (s) bu surənin fəziləti haqqında buyurur: "Hər kim "Cümə” surəsini qiraət edərsə, Allah cümə namazında iştirak edənlərin on bərabərinin və həmçinin o kəslərin ki, müsəlman şəhərlərində cümə namazına getmirlər, onların sayı qədər ona həsənə əta edər”.

İmam Sadiq (ə) buyurur: "Hər kim bu surəni cümə gecəsində oxuyarsa, iki cümə arasında günahların kəffarəsi olar”.

İmam Baqir (ə) buyurur: "”Cümə” və "Münafiqun” surələrini oxuyun, çünki bu iki surəni cümə gününün səhəri, zöhrü və əsri oxumaq sünnətdəndir”.

İmam Sadiq (ə) buyurur: "Hər bir möminə lazım və layiqlidir ki, əgər bizim davamçımızdırsa, "Cümə” və "Əla” surələrini cümə gecəsində oxusun və cümə gününün zöhründə "Cümə” və "Münafiqun” surəsini oxusun. Hər kim belə edərsə, ona bənzəyir ki, Allah peyğəmbərinin əməli kimi əməl etmişdir. İşlərinin savabı ancaq behiştdir”.

İmam Baqir (ə) buyurur: "Allah "Cümə” surəsinin vasitəsilə möminləri əziz tutmuşdur. Allah Rəsulu (s) "Cümə” surəsini möminlər üçün müjdə və "Munafiqun” surəsini isə münafiqlər üçün qınama qərar vermişdir. Ona görə də bu iki surəni oxumağı cümə namazında tərk etməyin”.

Qorxulu işləri uzaqlaşdırmaq. Hər kim hər gecə və ya gündüzdə "Cümə” surəsini oxuyarsa, qorxduğu şeydən amanda olar. Hər bir qorxulu olanı ondan uzaqlaşdırar. Hər kim "Cümə” surəsinin qiraətini davamlı edərsə, ona böyük bir əcr nəsib olar. Qorxduğu hər şeydən amanda olar.

Şeytan vəsvəsəsini uzaqlaşdırmaq. İmam Sadiq (ə) buyurur: "Hər kim gecələr və ya gündüzlər "Cümə” surəsini qiraət edərsə, şeytan vəsvəsəsindən amanda olar. Allah həmin günün günahını bağışlayar”.


/Deyerler.org/
Oxşar xəbərlər
«    Noyabr 2022    »
BeÇaÇCaCŞB
 123456
78910111213
14151617181920
21222324252627
282930