İmam Əli (ə) mübarək əllərini su ilə doldurdu və Əllaməyə içizdirdi...

Mьəllif: admin1

Tarix: 30-03-2024, 14:23

Əhli-beytin (ə) böyük alimlərindən olan Əllamə Əmini İslam dünyasına çox sayda yadigar və dəyərli əsərlər qoyub getmişdir.

Alimin oğlu nəql edir: "Bir gün nənəm (alimin anası) bizim evə gəlmişdi və mən ondan atamla bağlı bəzi məsələləri soruşdum və nənəmin işarə etdiyi qəribə mövzulardan biri də bu idi ki, heç bir zaman atama dəstəmazsız süd verməmişdi.

Nənəm deyirdi: "Ona süd verməyə hazırlaşan zaman sanki mənə ilham olurdu ki, dəstəmaz alım və mən də dəstəmaz alıb sonra süd verirdim. Yadıma gəlmir ki, ona dəstəmazsız süd verim. Buna görə çox sayda bərəkət mənə nəsib oldu””.

Alimin oğlu Doktor Hadi Əmini nəql edir: "Atamı dəfn edən zaman alimlərdən biri gəldi və mənə başsağlığı verdi.

Sonra buyurdu: "Mən bu fikirdə idim ki, görəsən Allah bu alimin xidmətlərini necə dəyərləndirəcəkdir. Yuxuda gördüm ki, bir hovuzdur və Əmirəl-möminin (ə) həmin hovuzun kənarında əyləşibdir.

İnsanlar gəlir və Həzrət (ə) həmin hovuzdan insanlara su verirdi. Dedilər ki, bu hovuz Kövsərdir. Bu zaman Əmini ağa hovuza yaxınlaşırdı.

Həzrət (ə) su qabını kənara qoydu və qollarını çırmaladı. Mübarək əllərini su ilə doldurdu və Əllaməyə su içizdirdi.

Sonra ona xitab edib buyurdu: "Allah üzünü ağ etsin, necə ki, sən bizim üzümüzü ağ etdin””.

Əllamə Əmini Məsumlara (ə) qarşı çox ədəb göstərərdi. İmam Əlinin (ə) hərəminə daxil olan zaman Həzrətin (ə) hərəmi ilə üzbəüz dayanıb, şiddətlə ağlayardı.

Alimin oğlu nəql edir: "Atamın vəfatından 40 il keçəndən sonra onu cümə gecəsi sübh azanından əvvəl yuxuda gördüm və o, çox sevincli və şad idi. Qabağa getdim və salam verib əlini öpdüm.

Soruşdum:” Atacan, o biri dünyada sizin səadət və nicat tapmağınıza nə səbəb oldu?”.

Atam dedi: "Ancaq Əba Əbdullahın (ə) ziyarəti. İmam Hüseynlə (ə) bağlı əzadarlıq məclislərində iştirak et, İmam Hüseyn (ə) ziyarətinin savabını sənə verəcəklər.

Oğlum, əvvəllər də sənə xəbərdarlıq etmişəm və yenə də deyirəm ki, Aşura ziyarətini heç vaxt və heç bir şeyə görə tərk etmə. Davamlı olaraq Aşura ziyarətini oxu və bunu özünə vəzifə hesab et. Bu ziyarətin çox sayda bərəkəti və fəziləti vardır ki, sənin dünya və axirətdə nicat tapmağına səbəb olar””.

Bəli, bu böyük alim çox məşğul olmasına baxmayaraq, hər zaman Aşura ziyarətini tərk etməzdi və onu hər gün oxuyardı və ətrafında olanlara da tövsiyə edərdi. Alimin bu tövsiyəsini biz də unutmayaq və ona əməl edək.

/Deyerler.org/

« Aprel 2024 »

Ça