Dəstəmazın 7 bərəkəti
Müəllif: Admin
Tarix: 27-06-2020, 22:44
Dəstəmazın 7 bərəkəti
Dəstəmazın iki cəhətdən faydaları diqqət mərkəzində ola bilər: onlardan biri cismani və gigiyena tərəfidir. O birisi isə mənəvi tərəfidir. Dəstəmazın mənəvi cəhətdən bərəkətlərinə nəzər salaq:

1. Ömrü uzun edər. Həzrət Peyğəmbər (s) buyurur: “Ey insan! Çalış təharətli və dəstəmazlı olasan ki, Allah ömrünü uzun etsin. Əgər bacarsan gecə və gündüz dəstəmazlı olasan – bu işi gör. Çünki əgər dəstəmazlı halda dünyadan getsən, şəhidin savabına çatacaqsan”.

2. Hacətin yerinə yetməsinə səbəb olar.

3. Şəhadətin savabına çatmaq. Həzrət Peyğəmbər (s) buyurur: “O kəs ki, dəstəmazlı yatar, əgər gecə ölüm sorağına gələrsə, bu insan dünyadan şəhid getmiş olar”.

4. Dəstəmazlı halda yatanın yatağı məscid olar. Həzrət Peyğəmbər (s) buyurur: “Hər kim dəstəmazlı halda yatar, yatağı onun üçün məscid olar və yuxusu (o kəsin savabına malik olar ki) namazla məşğul olar, o vaxta qədər ki, gecəni səhər edər”.

5. Ruzinin artmasına səbəb olar. İmam Sadiq (ə) buyurur: “Hər kim mənzilinin xeyir və bərəkətini artırmaq istəyər – yemək yeyən zaman dəstəmaz alsın”.

6. Qəm və qüssəni aradan aparar. Həzrət Peyğəmbər (s) buyurur: “Yeməkdən əvvəl dəstəmaz almaq yoxsulluğun aradan getməsinə və ondan sonra (dəstəmaz almaq isə) qəm və qüssəsinin aradan getməsinə səbəb olar”.

7. Qəzəbi yatızdırar. Həzrət Peyğəmbər (s) buyurur: “O zaman ki, sizlərdən biriniz qəzəblənər, dəstəmaz alsın”.


/Deyerler.org/
Oxşar xəbərlər
«    İyul 2020    »
BeÇaÇCaCŞB
 12345
6789101112
13141516171819
20212223242526
2728293031