Əsirkən azad, azadkən kölə

Mьəllif: admin1

Tarix: 26-05-2025, 10:46

İnsan tamah və acgözlük kəməndindən yaxa qurtarmaqla “azad”lığa qovuşur.

İmam Əli (ə) buyurub: “Qul aza qane olarsa, “azad”, azad tamahkarlıq edərsə “kölə”dir. “Qürər əl-hikəm” c. 1, səh. 113.

Bəzən insan daxilindəki bağlar onu məhdudlaşdırıb köləyə çevirir. Cəmiyyətdə imkanlı, ziyalı və pullu kölələr görmək mümkündür.

İnsan tamah və acgözlük kəməndindən yaxa qurtarmaqla “azad”lığa qovuşur.

O, “qənaət xəzinəsi”ndən yararlanır, tamahkarlıq üzündən digərlərinə əl uzatmırsa, kölə olsa belə izzətlidir, izzətinin başlıca səbəbi isə tamahkarlıq və acgözlükdən azad olmasıdır.

Lakin tamahkarlar güclü, varlı olsalar da həmişə gözləri başqalarının əlində olur. Onları “köləlik zilləti”nə sürükləyən, tamahkarlıq və gözüdoymazlıqdır.

Hərisliyə yoluxanlar “varlar”ını qorumaq, yaxud “yoxlar”ına çatmaq üçün nökər olur, yaltaqlıq edir və rüsvayçı həqarətlərə qatlaşırlar.

Bəli, İmamın (ə): “Qane olanlar azad, tamahkarlar isə kölədir”, - söyləmi əsassız deyil.

« Oktyabr 2025 »

Ça