Allahın ən çox sevdiyi süfrə hansıdır?
Mьəllif: admin1
Tarix: 24-10-2022, 10:58
Allahın ən çox sevdiyi süfrə hansıdır?
1. Birlikdə yemək yemək

Rəsuli-əkrəm (s) buyurur: “Allahın yanında ən sevimli yemək çox əlin onda olduğu (bir dəstə adamın birlikdə yediyi) yeməkdir. Birlikdə yemək yeyin və dağılışmayın. Çünki bərəkət ictimadadır”. (“Tibbun-Nəbi”, səh. 21)

Habelə buyurur: “Sizlərdən ən pis kişi o kəsdir ki, tək yemək yeyir”. (“Əl-kafi”, c. 2, səh. 140)

Yenə buyurur: “Bərəkət üç şeydədir: Birlikdə yemək yemək, sübh vaxtı yemək və yoxsul üçün pay saxlamaqda”. (“Tibbun-Nəbi”)

Yenə buyurur: “Təam üçün dörd şey olsa təam kamil olar: halal olsun, süfrəyə çox əl uzansın, Allahın adı ilə başlanılsın və Allaha həmd ilə sona çatsın”. (“Əl-kafi”, c. 6, səh. 273)

İmam Kazim (ə) buyurur: “Peyğəmbər (s) üç dəstəni nifrin etdi: səfərdə azuqəsini tək yeyəni...”. (“Əl-fəqih”, c. 2, səh. 277)

İmam Riza (ə) hər vaxt süfrəsini sərsəydi, qulları və xidmətçiləri ilə birlikdə yemək yeyərdi.

2. Süfrədə öz yaxınındakı yeməkdən yemək

Rəsuli-əkrəm (s) buyurur: “Süfrə sərildikdə öz qarşınızdakı yeməkdən yeyin və yoldaşınızın qarşısındakı yeməyi götürməyin”. (“Məkarimul-əxlaq”, səh. 149)

3. Süfrədə oturmağı uzatmaq (Yemək yeyərkən tələsməmək)

İmam Sadiq (s) buyurur: “Süfrədə oturmağı uzadın. Çünki həmin müddət sizin ömrünüzdən hesab edilmir”. (“Müstədrəkul-vəsail”, c.16, səh. 233)

4. Dəvəti qəbul etmək

Peyğəmbər (s) buyurur: “Üç şey cəfanın nümunəsidir: yeməyə dəvət oluna, amma qəbul etməyə, yaxud qəbul edə, amma yeməyə...”. (“Qurbul-əsnad”, səh. 74)

Yenə buyurur: “Hər vaxt müsəlman qardaşınızın yanına getdiniz və o sizi yeməyə, ya içməyə dəvət etdi, yeyin və için və ondan soruşmayın”. (“Camiul-səğir”, c.1, səh. 91)

5. Dəvətsiz yemək yeməmək

Rəsuli-əkrəm (s) İmam Əliyə (ə) buyurur: “Səkkiz qrup əgər təhqir olunsa, özündən başqa heç kimi danlamasın: onlardan biri də dəvətsiz süfrə başında oturandır...”. (“Xisal”, səh. 410)

6. Tərəvəzdən faydalanmaq

Bir hədisdə gəlmişdir ki, süfrənizi tərəvəzlə yaşıllaşdırın. Çünki “Bismillah” deyərək tərəvəz yemək şeytanı uzaqlaşdırır”. (“Məkarumul-əxlaq”, səh. 176)

İmam Riza (ə) buyurur: “Mən tərəvəz olmayan süfrədən yemirəm”. (“Məkarumul-əxlaq”, səh. 176)


Oxşar xəbərlər
«    Yanvar 2023    »
BeÇaÇCaCŞB
 1
2345678
9101112131415
16171819202122
23242526272829
3031