Ahlibeyt.ge xəbər verir ki, bu gün aləmlərə rəhmət olan həzrət Muhəmməd Peyğəmbərin (s) və İmam Sadiqin (ə) mübərək təvəllüdləri münasibəti ilə Gürcüstan Əhli-beyt (ə) cəmiyyətində dərs alan tələbələr arasında bilik yarışması keçirildi. Yarışma Əhli-beyt (ə) cəmiyyətinin Hüseyniyyəsində qeyd olundu.
Quran tilavəti ilə məclis açıq elan olundu. Sonra Marneuli şəhər İmam Əli (ə) məscidinin axundu dəyərli müəllim Hacı Hacıyev məclis iştirakçılarına öz təbrikini çatdırdı. Daha sonra yarışmaya strat verildi. Yarışmada "Hüseyn (ə) və Rüqəyya (s.ə)" və "Nurlu Cümə" komandaları yarışdı. Sonda "Hüseyn (ə) və Rüqəyya " komandası qalib oldu. Yarışma iştirakçılarına Əhli beyt (ə) cəmiyyəti tərəfindən hədiyyələr təqdim olundu.
Məclis Fərəc duası ilə yekunlaşdı.