Ötən gün Marneuli İmam Əli (ə) Məscidində Hacı Rasim Məmmədovun imamlığı ilə cümə namazı qılındı.
Hacı birinci xütbəsində Ramazan ayının gəlişi ilə bağlı Peyğəmbərin (s) Şəban ayının son cüməsində söylədiyi xütbəni tərcümə edərək izah etdi.
Hacı xütbənin davamında Peyğəmbərin (s) dilindən bu ayda ən fəzilətli əməlin günahdan çəkinmək olduğunu xüsusi vurğuladı.
Ikinci xütbədə Hacı Rasim İmam Əliyə (ə) sədaqətli qalan, vəfalı səhabələrindən nümunə gətirərək onların Əhli-Beyt (ə) yolundakı fədakarlıqlarından danışdı.

həmçinin İmam cümə son günlərdə simasını dəyişmiş İbn Mülcəmlərin məntəqədə İslam ümmətinin arasında təfriqə və parçalanma yaradacaq patensial fəaliyyətlərinə toxundu.

Daha sonra İmam cümə əlavə etdi: Bu cür fitnəkarlarla elmi və məntiqi mübarizə aparmaq hər bir müsəlman və Əhli-Beyt (ə) aşiqinin müqəddəs borcudur.
Cümə namazından sonra Gürcüstan Müsəlmanları Ali Dini İdarəsinin (UGMADİ) təşkilatçılığı ilə şirniyyat süfrəsi açıldı.








Ahlibeyt.ge