Bu gün Əhli-Beyt (ə) Cəmiyyətinin və Əhli-Beyt (ə) Aşiqləri Forumunun birgə təşkilatçılığı ilə Əhli-Beyt (ə) Hüseyniyyəsində İmam Həsən Əskərinin (ə) şəhadəti münasibətilə matəm mərasimi keçirildi.
Mərasim Quran tilavəti ilə açıldı. Sonra mərasimin aparıcısı Elçin Daşdanzadə mərasimin proqramını açıqladı və sözü İmam Rza (ə) mədrəsəsinin müdiri Əhli-Beyt (ə) alimi Hacı Əziz Nəbizadəyə verdi.
Hacı Əziz İmam Həsən Əskərinin (ə) həyatından və nurani şəxsiyyətindən danışdı. Həmçinin dövrün imamı Hz Məhdinin (ə.c.f) də imamətə çatdığı gün olan bu gündə, Hacı Əziz İmami-Zaman (ə.c.f) qarşısında vəzifələrimizdən və imamətin əhəmiyyətindən bəhs etdi.
Daha sonra söz Bakıdan təşrif buyurmuş Əhli-Beyt (ə) məddahı Ceyhun Müəzzinə verildi. Məddah məsum imamlarımızın şəninə rozə və nohələr oxudu.
Mərasimin rəsmi hissəsi "Fərəc" duasının oxunması ilə başa çatdı və mərasim ehsan süfrəsinə yekunlaşdı.




ahlibeyt.ge