Marneuli şəhərində möhtəşəm "Tasua" yürüşü keçirildi (Foto)

Mьəllif: admin1

Tarix: 30-09-2017, 18:35

Marneuli şəhərində möhtəşəm "Tasua" yürüşü keçirildi (Foto)

Ahlibeyt. ge xəbər verir ki, hər il olduğu kimi bu ildə Marneulidə fəaliyyət göstərən dini təşkilatlar və məscidlərin birgə təşkilatçılığı ilə möhtəşəm "Tasua" mərasimi qeyd edildi.

Mərasim (yürüş) Gürcüstan Əhli-beyt (ə) cəmiyyəti binasının qarşısından başlayaraq İmam Əli (ə) məscidinə qədər davam etdi.

Ölkənin müxtəlif bölgələrindən gəlmiş din xadimləri və inanclı müsəlmanların geniş iştirakı ilə baş tutan yürüşdə mərsiyələr oxundu və İslami şüarlar səsləndirildi.

Əhli-Beyt (ə) Cəmiyyətindən başlayan İmam Əli (ə) məscidində başa çatan yürüşün sonunda İmam Əli (ə) məscidinin axundu, imamcümə Hacı Hacıyev çıxış edərək İmam Hüseynin (ə) qiyamından alınacaq dərslər haqqında danışdı və o çıxışının davamında ölkəmizdə məscidlərin qeydiyyat problemindən söz açaraq bildirdi ki, məscidlərin mənəvi varisləri müsəlmanlar və ruhanilərdi gərək məscidləri onlara qaytarılsın və onlardan ibarət Vəqf təşkilatı yaradılaraq məscidlərin mülküyəti həmin təşkilata həvalə edilsin.

Sonra Ümum Gürcüstan Müsəlmanları Ali Dini İdarəsi və İmam Əli (ə) xeyriyyə fondunun təşkilatçılığı ilə Tasua yürüşündən sonra İmam Əli (ə) məscidinin önündə yürüş iştirakçılarına imam ehsanı və Aşura hadisəsini tanıtdıran kitabçalar paylanıldı. Həmçinin ölkəmizdə qonaq olan ərəb xeyriyyəçilər də İmam Əli (ə) məscidində əzadarlara ehsan dağıtdılar.

« Aprel 2024 »

Ça