Ahlibeyt.ge xəbər verir ki, ötən gün (19.12.2016) Qardabani "Qarayazı" şadlıq sarayında hz. Peyğəmbər (s) və imam Sadiq (ə) mövludları məntəqə müsəlmanlarının və digər qonaqların iştirakı ilə möhtəşəm şəkildə qeyd olundu.

Tədbir BGMİ, İman və Ahli-beyt (ə) hikməti müəssisələrinin birgə həmkarlığı və Azərbaycandan dəvət olunmuş ilahi nəğmələr qrupunun iştirakı ilə təşkil olunmuşdur.

Tədbir Quran qiraəti ilə açıq elan olduqdan sonra qonaqlar BGMİ-nin şeyxi, İran islam respublikasının Gürcüstan səfirliyinin mədəniyyət şöbəsinin rəhbəri, Almustafa beynəlxalq universitetinin Gürcüstan nümayəndəliyinin rəhbəri, Ahli-beyt (ə) hikməti müəssisəsinin rəhbəri və digər qonaqlar çıxış edərək hz. Peyğəmbər (s) və İmam Sadiq (ə)-ın həyatına işarə etdilər. Sonda mövlud gününə aid sual-cavab və qaliblərə isə təşkilatçılar tərəfindən hədiyyələr təqdim olundu.

Məclis ilahi nəğmələr qrupunun ifası və açılmış ehsan süfrəsindən dadaraq sona çatdı.