Ahlibeyt. ge xəbər verir ki, hər il olduğu kimi bu ildə Borçalıda fəaliyyət göstərən dini təşkilatlar və məscidlərin birgə təşkilatçılığı ilə möhtəşəm "Tasua" mərasimi qeyd edildi.

Mərasim (yürüş) Gürcüstan Əhli-Beyt (ə) cəmiyyəti binasının qarşısından başlayaraq İmam Əli (ə) məscidinə qədər davam etdi.

Ölkənin müxtəlif bölgələrindən gəlmiş din xadimləri və inanclı müsəlmanların geniş iştirakı ilə baş tutan yürüşdə mərsiyələr oxundu və İslami şüarlar səsləndirildi.

Əhli-Beyt (ə) Cəmiyyətindən başlayan İmam Əli (ə) məscidində başa çatan yürüşün sonunda İmam Əli (ə) məscidinin axundu, imam-cümə Hacı Hacıyev çıxış edərək İmam Hüseynin (ə) qiyamından alınacaq dərslər haqqında danışdı.

Məclisin davamında söz Gürcüstan Baptistlər kilsəsinin baş yepiskopu və rəhbəri Malxaz Sonqolaşviliyə verilidi və o çıxışında bu məclisi təşkil edənlərə təşəkkür etdi və belə məclislərin keçirilməsi təqdirə layiq olduğunu qeyd etdi.

Sonda cammat namazı qılındı.