Ahlibeyt.ge xəbər verir ki, Bu gün Tbilisi Cümə məscidində «Din kursları”nda oxuyan şagirdləri arasında “Dinimizi öyrənək” kitabından müsabiqə təşkil olundu. Yarışda Gürcüstanın müxtəlif şəhər, rayon və kəndlərindən 100-ə yaxın (7-13 yaşlı) yeniyetmələr suallara cavab verməklə dini bilgilərini sınamış oldular.
Yaxında müsabiqənin qalibləri və onların müəllim və müəllimələri Bütün Gürcüstan Müsəlmanları İdarəsi tərəfindən müəyyənləşib nəfis hədiyyələrlə mukafatlandırılacaqlar.
Qeyd edək ki, ötən il və neçə ay öncə BGMİnin təşkilatçılığı ilə Qurani-Kərimin üzündən düzgün oxunuşu sahəsində də müsabiqələr keçirildi. Qaliblər və ustadları dəyərli hədiyyələrlə mükafatlandırıldı.
Quranın və dinimizin təlim və tədrisi sahəsində zəhmət çəkən din xadimi və müəllimələrə təşəkkür edir, özlərinə və şagirdlərinə müqəddəs yolda uğurlar diləyir, Allahdan mükafat diləyirik.