Ahlibeyt.ge xəbər verir ki, Gürcüstan Əhli-Beyt (ə) cəmiyyəti və həmin cəmiyyətin nəzdində fəaliyyət göstərən Əhli-Beyt (ə) Aşiqləri Forumu və Zeynəb (s.ə) Qadınlar Birliyinin təşkilatçılığı ilə Ali Muhəmmədin (s) Qaimi bəşərin xilaskarı Həzrəti Məhdi (ə.f) təvəllüd günü münasibətilə möhtəşəm tədbir keçirildi.

Tədbirin aparıcısı Məşhədi Azər Məmmədov ilk öncə məclisin açılışı üçün Quran qarisi Kərbəlayi Rzanı Qurandan öz gözəl səsi ilə bir neçə ayə tilavət etmək üçün dəvət etdi.

Sonra məclisə Azərbaycan Respublikasından təşrif gətirən Əhli-Beyt (ə) məddahi Vasif Vəsfinur Əhli-Beytin (ə) şəninə şer və ilahilər səsləndirdi.

Tədbirdə İran İslam Respublikasindan təşrif gətirən Höccətul İslam vəl-muslimin doktor Hairi zühur zamanında insanların ədalətlə yaşamasından danışdı və doktor Hairi İmam Məhdi (ə)-a. gözəl bir misal çəkərək belə buyurdu ki, imamın hədəflərini tanıyanda insanın misalı bu şəkildə olur. Bilirsiz ki, ananız təmizlik işləri görür siz də qoşulursuz bu işlərə VƏ ona kömək edirsiz İmam Zaman (ə.f) zÜhur edəndə dünyanı ədalətlə doldurmaq istəyir gərək bizdə bu işdə İmama (ə.f) kömək edək.

Dəyərli alimin çıxışından sonra Soğanlıq kəndində yerləşən Əhli-Beyt (ə) adına olan məscidin tələbəsi İsmayil Kərimov İmam Zaman (ə.f) şəninə surud oxudu və eyni zamanda İslammedia.tv internet kanalının hazırladığı "Əsirin xilaskarı" adlı uşaqlardan ibarət video çarx nümayiş edildi.

Məclisin davamında Qum elmiyyə hövzəsinin hörmətli ustadlarından olan Məhəmməd Baqir Sayvəri İmam Mehdinin (ə.c) yolunu gözləyənlərin əsas vəzifələri nədir? mövzusunda çıxış etdi.

Əhli-Beyt (ə) məddahi Vasif Vəsfinur yenə tədbirdə öz gözəl səsi ilə şer və ilahilər səsləndirdi və Əhli-Beyt (ə) cəmiyyəti və həmin cəmiyyətin nəzdində fəaliyyət göstərən Əhli-Beyt (ə) Aşiqləri Forumu və Zeynəb (s.ə) Qadınlar Birliyinin göstərdiyi fəaliyyətlər haqqında video rolink göstərildi.


Məclis fərəc duası ilə yekunlaşdı.