Ahlibeyt.ge xəbər verir ki, bu gün Gürcüstan Əhli-Beyt (ə) Cəmiyyəti və onun nəzdində fəaliyyət göstərən " Zeynəb (s.ə)" Qadınlar Birliyi və Əhli-Beyt (ə) Aşiqləri Formunun təşkilatçılığı ilə əziz İslam peyğəmbərinin (s) peyğəmbərliklə vəzifələndiyi gün münasibəti ilə möhtəşəm "Məbəs" bayram tədbiri qeyd olundu.

Marneuli Mədəniyyət Evində təşkil olunan məclis Elçin Daşdanzadənin aparıcılığı ilə baş tutdu.

Bayram tədbiri Kərbəlayi Rzanın Quran tilavəti ilə açıq elan olundu.

Sonra Bakı şəhərindən təşrif buyuran "Azərbaycan" ilahi nəğmələr qrupunun rəhbəri Seyid Taleh Peyğəmbər (s) və Əhli-Beytin (ə) şəninə şer və ilahilər səsləndirdi.

Məclisə Türkiyədən dəvət olunan "Cəfəri" Alimlər Birliyinin idarə heyyətinin üzvü, dəyərli alim Məhdi Aksu Məbəs günü və besətin hədəfləri mövzusunda çıxış etdi.

Dəyərli alimin çıxışından sonra Əhli-Beyt (ə) Cəmiyyətinin tələbələri İslam dinində təkid olunan gəstərişləri səsləndirdilər.

Məclis böyük coşqu ilə Seyid Talehin səsləndirdiyi ilahilərlə davam etdi. Bayram tədbiri dua və ziyafət süfrəsi ilə yekunlaşdı.

Tədbirdə əməyi keçən hər kəsə təşəkkür edirik.