İslamazeri.az-ın "Mehr" agentliyinə istinadən verdiyi məlumata görə, İran xalqı cümə namazından sonra İsrail rejiminə qarşı etiraz aksiyası təşkil edib. İranlıların cümə namazından sonra sionist rejimə qarşı təşkil etdikləri aksiyada işğalçıların müsəlmanların ilk qibləsi olan Əqsa məscidinə etdiyi basqınlara etiraz edilərək bu cür alçaq hərəkətlərin dərhal dayandırılması tələb edilib. Tehranla yanaşı, İsfahan, Məşhəd, Bircənd, Şiraz, Təbriz, Yəzd, Kirmanşah, Sarı, Qəzvin və Ərdəbil kimi əyalətlərdə də sionist rejiminə qarşı mitinqlər keçirilib. Mitinqlərdə "Rədd olsun İsrail!" və "Rədd olsun Amerika!" şüarları səsləndirən iranlılar İranın məzlum Fələstinin xalqının yanında olduğunu bildirib. Qeyd edək ki, son günlərdə Əqsa məscidinə sionist qüvvələr tərəfindən təşkil olunan hücumlarda bir çox fələstinli ağır yaralanmışdı.
Mənbə : İslamazeri