İslamazeri.az-ın “AlAlam”-ə istinadən verdiyi xəbərə görə, Şeyx Naim Qasim Tehranda keçirilən beynəlxalq vəhdət konfranda iştirak edib. Konfransda çıxış edən “Hizbullah” rəsmisi bildirib: “Birinci növbədə işğalçı, imperialist qüvvələrə bağlı olan ökələrlə, ikinci növbədə isə İslamın simasını hörmətdən salan və cavanlara mənfi təsir qoyan təkfirçi qruplarla üz-üzəyik. Əvvəl İslam dünyasında olan böhranı düzgün təyin etməliyik. İmam Xomeyni bu böhranı dəqiq anladı. İmam əgər öncəki rejimi qəbul etsəydi hamı ona təbrik deyərdi, lakin dövlətin İslam çərçivəsində olmasını istədi. İslamın sülh, dostluq, inkişaf və müstəqilliyini dünyaya çatdırmalıyıq. Məzlumları qorumağı əsas işimiz bilməliyik və İslamdan yanlış fikirləri uzaqlaşdırmalıyıq. BMT və digər beynəlxalq təşkilatlara bel bağlamamalıyıq və onların yardımını nəzərə almamalıyıq. Öz ayaqlarımız üzərində durmalıyıq. Biz məzlumları tək qoymamalı, çətinliklər müqabilində səbr etməliyik. İslam mədəniyyətinin gözəl olduğunu hamıya sübut etməliyik. Vəliyyi-fəqihin ətrafında birləşmək və itaət etmək vəhdət amili ola bilər.”