Fələstinin Azadlığı Uğrunda Təşkilatın üzvü Hənnan Əşravi İsrail rejiminin etnik təmizləmə siyasətini tənqid atəşinə tutub.
Maide.az xəbər verir ki, Fələstinin Azadlığı Uğrunda Təşkilatın üzvü Hənnan Əşravi cümə axşamı günü Fələstin Əlan xəbər portalı ilə müsahibədə deyib ki, İsrail yüzlərlə fələstinli ailəni didərgin salmaq və onların ərazilərini oğurlamaq siyasətini davam etdirir və beynəlxalq hüquq normalarına zidd olaraq etnik təmizləmə siyasətini yürüdür.
H.Əşravi əlavə edib ki, beynəlxalq ictimaiyyət fələstinlilərin hüquqlarının sistematik şəkildə pozulması, qəsəbələrin salınması və gündəlik repressiya və həbslər qarşısında cavabdeh olmalıdır ki, sionistlərin zülmünə son qoyulsun.
H.Əşravi deyib ki, İsrail rejimi etnik təmizləmə, işğalçılıq, müharibə cinayətləri və Fələstin vətəndaşlarının hüququnu pozmaq əsasında qurulub."Bu rejim başçılarını cəzalandırmaq üçün Beynəlxalq Cəza Məhkəməsinə müraciət edilməsi zəruridir."/