Zelenski: “Qərb liderləri sanki yoxa çıxıblar”

Mьəllif: Admin

Tarix: 7-03-2022, 11:02

"Bu gün Bağışlanan Bazar günüdür. Amma yüzlərlə qurbana, minlərlə xəsarət alanlara görə günahgarlar bağışlanmayacaq. Onları Allah da bağışlamayacaq. Bu gün yox. Sabah da yox. Heç vaxt. Bağışlanmaların əvəzinə Qiyamət günü olacaq".

Bunları Ukrayna Prezidenti Volodimir Zelenski xalqa növbəti müraciətində deyib.

Volodimir Zelenski deyib ki, Ukrayna silahsız insanların güllələnməsini əfv etməyəcək:

"Bu gün biz Oxmatdet üzərində hava hücumundan müdafiə sistemimizin vurduğu raketi bağışlamayacağıq. Silahsız insanların güllələnməsini bağışlamayacağıq. İnfrastrukturumuzun məhv edilməsini də həmçinin.

Əksər komplekslər (müdafiə-sənaye kompleksi müəssisələri. - red.) hələ onilliklər əvvəl, hələ sovet hakimiyyəti tərəfindən tikilib. Onlar şəhərlərdə tikilib. İndi onlar normal şəhər mühitinin ortasındadırlar. Orada minlərlə insan işləyir. Yaxınlıqda yüzlərlə, minlərlə insan yaşayır. Bu isə qətldir. Qəsdən adam öldürmədir”.

Zelenski vurğulayıb ki, heç bir dünya lideri Rusiya Müdafiə Nazirliyinin dünənki bəyanatına reaksiya verməyib:

"Mən heç bir Qərb siyasətçisindən bu açıqlamaya reaksiya eşitməmişəm. İşğalçıların cəzasızlıq hissini düşünün. Onlar planlaşdırılan vəhşilikləri elan edirlər.

Niyə? Çünki heç bir reaksiya yoxdur. Sanki Qərb liderləri bu axşam, bu gün yoxa çıxıblar. Ümid edirəm ki, sabah bunu hiss edəcəksiniz, deyəcəksiniz”, - deyə Prezident dünya liderlərinə müraciətində bildirib. (24news.ge)

« Aprel 2024 »

Ça