İslamazeri.com "İran mediasına istinadən xəbər verir ki, Həsən Ruhaninin təbliğat sisteminin İlam şəhərində keçirdiyi mərasimdə İmam Rzaya (ə) qarşı hörmətsizlik olub. "Fars" xəbər agentliyi məlumat verir ki, əsas dəstəyi Xorasan, Məşhəddən olan Ayətullah Rəisini hörmətdən salmaq istəyən aparıcı, İmam Rzaya (ə) xitabən deyib: "Bizim Məmunla əlbir olub, sənə zəhərli üzüm verdiyimizimi düşünürsən? Yəni siz deyirsiniz ki, biz yeddinci imamdan sonra bir başa doqquzuncu imamın arxası ilə gedək? Ya bizim ömrünü zindanda keçirən imama həvalə etmək istəyirsən? Rzacan! Sizin geniş xanlığınızdan bizə çatan bir neçə kilo yer alması oldu ki, onu da qonşu şəhər Xuzestan bizə verdi. Ətə gücümüz çatmır ki heç, ceyrana da siz zamin durdunuz deyə ətindən istifadə edə bilmirik. Yer almasını da ki, bizə siz göndərmədiniz. Yalnız noxudla bozbaş düzəltmək olmaz ki, əzizim! Sonra da millət ismailiyyə məzhəbinə irad tuturlar ki, niyə yeddi imamları var. Elə bu işlərinizdir ki, belə nəticələnir Ağacan! Etməyin! Heç yer almasını da yollamayın. Biz elə noxudun suyu ilə başımızın çarəsinə baxarıq.” Adı çəkilən agentlik xəbərin videosunu da təqdim edib.