Ustad Fatimi Niya: Bu cümləni əldə etmək üçün üç min kilometr yolu qət etdim

Mьəllif: Admin

Tarix: 29-01-2022, 21:39

Ustad Fatimi Niya: Bu cümləni əldə etmək üçün üç min kilometr yolu qət etdim

Ustad Abdullah Fatimi Niya buyurur: Bəzən əməllərimizdə olan aludəçilik və naxalisliklər ücb və riyakarlıq kimi deyil, bəlkə daha dəqiq və incə, yəni şeytanın dəqiqliklə hesabladığı çox gizli və incə hiylələrindən ola bilər.

Mərifət əhli olan araşdırıcı alimlərdən birinin bu barədə çox dəyərli və dərin mənalı kəlamı var. Mən bu dəyərli cümləni əldə etmək üçün üç min kilometr yolu qət etməli olmuşam. İndi isə bu kəlamı asanlıqla sizlərin ixtiyarınıza verirəm.

“Əl-Muqəffa əl Kəbir” adlı bir kitab var və “Əbəqat” kitabının müəllifi həmin kitabdan nəql etmişdir ki, o zaman əl yazma şəkilində idi. Mən onu Livanda görmüşəm.

Həmin kitabda tanınmış alimlərin adından bir cümlə nəql edilmişdir ki, bu kəlam dünyada olan başqa cümlələrdən seçilir: “Şeytanın səndən istifadə etməsi üçün elə bu kifayət edər ki, səni bir ibadətdən və xeyirli əməldən digər əmələ keçirsin”.

Biz üç min kilometrlik yolu gedib qayıtdıq. Amma bu cümləni tapıb gətirməyə dəyərdi!

Şeytanın insan üzərində qalib gəlməsi və ondan istifadə etməsi yalnız onu bildiyimiz böyük və kiçik günahlara vadar etməkdən ibarət deyil, həmçinin şeytan hər kəsi özünə uyğun şəkildə aldada bilir. Möminləri, təqva əhlini və dini heyətləri xüsusi şəkildə yoldan çıxara bilir.

Məsələn, kimsə istəyir ki, “Aşura” ziyarətini oxusun. Digər tərəfdən isə həmin şəxsin qoca bir xala və ya bibisi də vardır ki, onu ziyarət etmək hədiyyə apararaq sileyi-rəhm etmək və onu sevindirmək üçün belə bir uyğun fürsət yaranmışdır.

Bu əməllərin hər ikisi də itaət və xeyirli əməldir, amma şeytan bu fürsəti qənimət bilib, müdaxilə etməyə başlayır, nəfs gəlir və ziyarəti-aşura duasının oxunmasına israr edir.

Fərz edək ki, burada qoca xalanı ziyarət etmək daha xeyirli əməl olduğu halda belə deyir: “Hələ vaxt çoxdur, hələlik ziyarət oxu!”

Belə hallarda hansı əməlin Allaha görə və daha zəruri, nəfslə daha çox müxalif olduğunu müəyyən etmək həddən artıq çətindir.

Eyni zamanda bu məsələ dəqiqlik tələb edən bir məsələdir. Bunun yolu isə yalnız təqvalı olmaqda, ixlasda, Allaha sığınmaq və Ondan İmdad diləməkdədir.

Allah-təala buyurur: “Əgər Allahdan qorxsanız, O sizə haqla batili ayırd edən (bir nur) verər (dünya və axirətdə çıxış yolu göstərər)“[1]

Ayədəki “furqan” sözünun mənası, haqla batili ayırd edən bəsirət nurudur. Belə ki, Allah tərəfindən istıdiyi bəndəsinə verilən həmin bəsirət nuru pak və xalis əməllərə napak və şeytani əməlləri ayırd edir.

[1] Ənfal surəsi, ayə 29.

(ahliman.info)

« Aprel 2024 »

Ça