Namazı vaxtında qılmaq – möminin sifətlərindəndir

Mьəllif: Admin

Tarix: 6-10-2021, 21:30

Namazı vaxtında qılmaq – möminin sifətlərindəndir

İmam Sadiq (ə) buyurur: “Hər kim namazlarını əvvəl vaxtda qılar, ölüm mələyi vədə vermişdir ki, özü şəhadətləri ona təlqin edəcək və şeytanı ondan uzaqlaşdıracaqdır”.

Bir çox Quran ayələri və hədislərimizin bir çoxu namazlarımızı əvvəl vaxtda qılmağı tövsiyə edir. Quranın nəzərinə görə, namazı vaxtında qılmaq möminin sifətlərindəndir.

Qurani-Kərimdə buyurulur: “Və o kəslər ki, namazlarını (tam və kamil olması baxımından) qoruyurlar”. (”Muminun” 9).

Yəni, namazlarını əvvəl vaxtda qılırlar və təxirə salmırlar.

Həzrət Peyğəmbər (s) buyurur: “O zaman ki, namazın əvvəl vaxtı gəlib çatar, İlahi ərşin altından bir mələk car çəkər: “Əyyuhən-nas! Namaza hazır olun və onun vasitəsilə özünüz üçün yandırdığınız atəşi söndürün””.

Həzrət (s) işarə edir ki, hər kim namazını vaxtında qılar – həmin mələyin ilk cavabını vermiş kəslərdən olar. Bu yolla saleh əməl yerinə yetirmiş olar ki, peyğəmbərlərin (ə) sünnətindəndir.

“Bütün namazları və (xüsusilə) orta namazı (zöhr namazını) qoruyun və (namazda, həmçinin hər bir işdə) Allaha xatir itaətkar halda ayağa qalxın”. (“Bəqərə” 238).

Namazı əvvəl vaxtda qılmaq – namazı qorumağın yollarından biridir. Bu, elə bir zamandır ki, böyük fəzilətə malikdir və onda çoxlu hikmətlər gizlənmişdir ki, biz ondan xəbərsizik. Ancaq əgər həmin zamana riayət etsək, həm dünya və həm də axirət həyatımıza səmərə vermiş olarıq.

İmam Əli (ə) buyurur: “Namazı təyin olunmuş vaxtında yerinə yetir. Fərağət üçün tələsmə və məşğul olduğun üçün onu təxirə salma. Bil ki, sənin bütün əməllərin namazından asılıdır”.

İmam Baqir (ə) buyurur: “Nə zaman namaz əvvəl vaxtında yuxarı qalxar, ağ və parlayan şəkildə sahibinə tərəf qayıdar və ona xitab edər: “Məni qorudun, Allah da səni qorusun”.

Nə zaman qeyri-vaxtında yuxarı qalxar, sahibinə tərəf qara şəkildə qayıdar və ona deyər: “Məni xarab etdin, Allah səni məhv etsin””.

İmam Muhəmməd Baqir (ə) başqa yerdə buyurur: “O mömin ki, vacib namazlarına əhəmiyyət verər və onları vaxtında qılar – qafillərdən deyildir”.

Beləliklə deyə bilərik ki, əgər həmişə sağlam və qorunmuş halda olmaq istəyiriksə, namazı vaxtında qılmalıyıq. Namazı vaxtında qılmaq insanda Allaha qarşı qorxu yaradar.

Namazı əvvəl vaxtda qılmaqla yanaşı, hüzuri-qəlblə qılmaq da mühümdür. Ancaq bu zaman namaz qəbul olan namazlardan ola bilər.

Əgər namazlarımızı vaxtında və düzgün yerinə yetirsək, ölən zaman belə, bu namaz dadımıza çatacaq və şəhadətləri deməyimizə və bu dünyadan imanlı getməyimizə yardım edəcəkdir.

/Deyerler.org/

« Aprel 2024 »

Ça